DARAJA LA MTO MBAWA KUKAMILIKA MUDA WOWOTE, MENEJA WA TANROAD RUVUMA AHAMISHIA OFISI MTO MBAWA

Posted on: February 20th, 2021

Daraja la mto Mbawa linalounganisha Kata ya Liuli na Lipingo Wilayani Nyasa, lililosombwa na Mvua  na kusababisha kukatika kwa mawasiliano, linatarajiwa kukamilika muda wowote kunzia jumapili ya Wiki hii.

Meneja wa Wakala wa Barabara mkoani Ruvuma Tanroads, Mhandisi Alinanuswe Lameck amethibitisha hayo jana wakati akiongea na mwandishi wa habari hizi akiwa eneo la Tukio, akiwa anahakikisha matengenezo ya daraja yanakamilika kwa haraka na huduma inarejea kwa Haraka.

Meneja huyo amefafanua kuwa Wiki hii yote yuko kwenye Daraja la Mto Mbawa,  na kazi walizofanya ni kutafuta chuma za Daraja na wamezikuta Zimepinda na Hazifai kutengenezea Daraja Hilo, Hivyo Wameenda kuchukua Chuma zingine Wilaya ya Tunduru na Tayari Zimeshafika na wameanza kazi Rasmi ya kutengeneza Daraja.

“Niko hapa Darajani ninaendelea na kazi za Ujenzi wa Daraja,  Tunategemea Siku ya Jumapili Wiki hii  Pikipiki zitaanza kuvuka na wakati wowote Daraja Litakamilika amesema Meneja huyo.

Kukamilika kwa Daraja Hilo kutafungua mawasiliano ya Barabara ya Mbamba bay Lituhi na kata zingine amba yalikuwa yamekatika baada ya Daraja Hilo kusombwa na maji.