HALMASHAURI ya Nyasa yazindua TV Mtandao,Mbunge Manyanya aahidi Makubwa Nyasa

Posted on: July 7th, 2022

Yaliyojiri Ufunguzi wa Nyasadc Online Tv TAREHE 07.07 2022

Halmashauri ya Nyasa imezindua Rasmi Televisheni Mtandao yenye lengo la kutangaza miradi ya maendeleo, na Shughuli mbalimbali zinazofanyika katika Wilaya ya Nyasa.

Uzinduzi  umefanyika katika katika Hoteli ya Sun Set Mbamba bay, Wilayani Nyasa na Kuhudhuriwa na wakuu wa Taasisi,Idara watumishi na wananchi mbalimbali Wilayani Hapa.

Mgeni Rasmi katika Hafla hiyo ni Mbunge wa Jimbo la Nyasa Mhandisi Stella Manyanya, Ambaye ndiye mfadhili wa Nyasadc Televisheni Mtandao, amesema Lengo la Kuanzisha Televisheni Mtandao ni kutoa kwa uwazi kazi mbalimbali zinazofanyika Wilayani Nyasa ili kuwahabarisha Wananchi na kuwataka wananchi kuitumia Televisheni  kwa kuona kazi mbalimbali zinazotekelezwa kwa wakati Wilayani Nyasa.

Amewataka wananchi wa Wilaya ya Nyasa kujivunia kuwa, kuwa Nyasa inakuwa kwa kasi toka Barabara na umeme vifike wilayani hapa, hivyo amewataka wawekezaji kuja kuwekeza Nyasa kwa kuwa kuna Fukwe nzuri na Vivutio Vingi Vya Utalii, Kama Ziwa Nyasa,Samaki wa Mapambo na vivutio vingine.

Mhandisi Manyanya ameongeza kuwa upatikanaji wa Taarifa  ni takwa la Kisheria Hivyo ameagiza Habari za Kata zote, Wilaya ya Nyasa Zitangazwe kwenye Vyombo vya Habari na kuhakikisha kuwa kunakuwa na Habari Mchanganyiko.

Amempongeza Rais Suluhu Samia Hassan kwa kuharakisha maendeleo Wilayani Nyasa na kujali sekta ya mawasiliano kwa kuanzisha Vitengo vya mawasiliano katika Halmashauri ,hivyo anamuunga mkono.

Aidha amesema sio kuandika Habari za kusifia mambo mazuri, pia   yuko tayari kupokea Habari mbalimbali zenye changamoto ili aweze kuzitatua.

Ameahidi kuboresha Chumba cha Habari(Studio ya Kisasa) kununua Kamera za kisasa na Kununua Pikipiki kwa ajili ya Kitemgo cha Mawasiliano Serikalini Wilayani Nyasa.

Wakuu wa Taasisi,Idara na Vitengo wamesema kuwa Televisheni hiyo Mtandao itawasaidia kikamilifu kutangaza miradi yao kwa kuwa walikuwa hawana televisheni Mtandao.

Kaimu Mtendaji wa Halmashauri ya Wilaya ya Nyasa Berndad Semwaiko naye amempongeza Mbunge kwa juhudi zake za kuhakikisha Halmashauri ya Nyasa inakuwa na Televisheni Mtandao na Kumuagiza Afisa Habari wa Wilaya ya Nyasa Netho Sichali Kuhakikisha kuwa Habari zote zinawafikia wananchi wa Kata zote.

Ukitaka kuitazama Nyasa On Line Tv bonyeza Hapa

https://www.youtube.com/channel/UC7ZPe00xVRGsBcgYC9mqqXQ