Ifahamu Shule pekee ya Glorious day anda nursery school inayotoa Elimu bora kwa watoto Mbamba bay

Posted on: December 8th, 2022

Shule ya chekechea ya the Glorious Day care and Nursery School ya mbamba bay wilayani Nyasa tar 08/12/ 2022 imefanya mahafali ya tatu ya shule hiyo katika Ukumbi wa Bay Live uliopo Mbamba bay Wilayani Nyasa.

Mgeni Rasmi katika Mahafali alikuwa  Kaimu Afisa maendeleo ya Jamii Wilayani Nyasa Ndugu Malimi Mabondo, aliyewataka wazazi kuwaheshimu walimu na kuwalea watoto kwa kuwapa, haki watoto ili waweze kuwa Taifa imara.

Malimi amefafanua kuwa watoto wanatakiwa kupata Lishe bora, ili waweze kuwa na afya bora itakayowasaidia kupata elimu bora na kuwataka wazazi kushirikiana na walimu badala ya kuwalaumu walimu wanapotoa adhabu kwa wananfunzi.

Ameongeza kuwa hata vitabu vya mungu vinaagiza watoto wanatakiwa kupambana na kupata elimu na wazazi kuhakikisha watoto wanapata Elimu bora, bila kusahau Lishe bora.

Awali akitoa neno fupi Mkurugenzi wa Shule hiyo Ezekia amesema shule hiyo inawanafunzi 62 inatoa huduma ya elimu na malezi ya watoto wenye umri wa miaka 2 hadi 5 kwa Kata za Mbamba bay na kilosa kwa Lugha ya Kiingereza. Na am,ewataka wakazi wa kata hizo kutumia fursa za elimu bora inayotolewa katika shule hiyo.