MKURUGENZI MTENDAJI NYASA ,AKAGUA UJENZI WA BWENI LA MONICA MBEGA SEKONDARI MBAHA

Posted on: September 18th, 2020

Mkurugenzi Mtendaji wa Halmashauri ya Wilaya ya Nyasa Bw. Jimson Mhagama Akiwa na Timu ya Wataalam ametembelea na kukagua Mradi wa bweni la  Wasichana, unaojengwa Shule ya Sekondari Monika Mbega iliyoko Kata ya Mbaha Wilayani Nyasa.

Mradi huo uko katika ngazi ya msingi.

Serikali imepeleka Tsh milioni 80, kwa ajili ya utekelezaji wa mradi wa ujenzi wa bweni hilo.

Akikagua mradi mradi amewataka wananchi kushiriki kikamilifu kutekeleza mradi.

Mradi huu unatarajiwa kukamilika mwezi desemba mwaka huu.

kukamilika kwa mradi huu, kutatatua changamoto ya wanafunzi wa kike waliokuwa wanatembea umbali mrefu na kukutana na vishawishi mbalimbali, hivyo wataongeza muda wa kujisomea na kupandisha ufaulu.

Awali shule hiyo haikuwa na bweni la Wasichana hivyo walikuwa wanatumia baadhi ya madarasa mawili kuishi kwa wanafunzi wa madarasa ya mitihani yaani Kidato cha pili na nne, ili kijisomea.

Mkurugenzi huyo amewataka kuharakisha ujenzi huo kwa kuwa fedha zipo na amemshukuru Rais John Magufuli kwa kutatua changamoto hiyo.

Wataalamu alioambatana nao ni Ofisa Mipango Bw Jabir Chilumba, Ofisa Elimu Skondari Yona Mwaisaka, Ofisa Elimu Msingi Bw Said Kalima na Mhandisi wa Ujenzi Bw Chacha Nkoba.