Mkurugenzi Mtendaji wilaya ya Nyasa awataka watumishi wa afya kutoa huduma Bora Kwa wananchi

Posted on: November 16th, 2023

Mkurugenzi Mtendaji wa Halmashauri ya Wilaya ya Nyasa Bw. Khalid Khalif (aliyevaa suti) tarehe 16/11/2023 ametembelea na kufanya Kikao na watumishi wa Hospitali ya Wilaya ya Nyasa iliyopo Nangombo Wilayani hapa.Lengo la kufanya kikao ni kusikiliza kero za wafanyakazi hao na kuzitatua ili kuongeza ufanisi wa utoaji huduma Bora za Afya Kwa wananchi wanaofika kutibiwa katika Hospitali hiyo.Akizungumza na watumishi hao amesikiliza kero mbalimbali, maoni na ushauri nankuahidi kutatua changamoto zote na kuwataka wafanyakazi hao kufanya kazi Kwa juhudi ili kutoa huduma Bora Kwa wananchi wa Wilaya ya Nyasa.
Mara baada ya kuongea na watumishi hao ametembelea jengo la wagonjwa wa dharula na kuridhishwa jinsi huduma zinavyotolewa.
Mkurugenzi wa huyo ni utaratibu wake aliojiwekea Kila mara wa kusikiliza kero za watumishi na hivi karibuni amefanya kikao Cha kusikiliza kero za watumishi wa Ofisi ya Mkurugenzi Mtendaji wilaya ya Nyasa.