NYASA YAADHIMISHA SIKUKUU YA NANE NANE KWA BONANZA LA MICHEZO

Posted on: August 8th, 2020

Timu ya Halmashauri ya Wilaya ya Nyasa, leo imefanya bonanza la michezo kwa kushirikiana na Shule ya Sekondari ya Mbambabay, bonanza lilifanyika katika viwanja vya Shule ya Msingi kilosa Wilayani hapa.

Michezo iliyofanyika ni Mpira wa miguu kwa wanaume,  na mpira wa pete kwa wanawake,  na mpira wa wavu kwa wanaume.

Matokeo ya mpira wa miguu ni, Timu ya soka ya Halmashauri ya Wilaya ya Nyasa imeibuka kidedea kwa kuifunga goli moja timu ya mpira wa miguu ya Sekondari ya mbamba bay  goli lilowekwa kimiani na Amili Kitambi dk ya 75 ya Mchezo.

Matokeo ya mpira wa pete timu ya halmashauri imeshinda goli 7 kwa tatu, na kwa mchezo wa wavu timu ya Mbamba bay imeibuka kidedea kwa kushinda seti zote tatu.

Baada ya Mchezo huo afisa michezo wa Halmashauri ya Wilaya ya Nyasa amesema amefurahishwa na bonanza hilo lililowafanya watumishi, wanafunzi na wananchi kufurahi kwa pamoja kwa siku ya leo na ametoa wito kwa timu zingine ziweze kuomba kucheza michezo ya kirafiki kwa lego la kuimarisha afya, mahusiano,na kufrahi kwa pamoja.