Serikali yatatua kero ya Mnyama Kiboko Kata ya Chiwanda na Mtipwili Nyasa.

Posted on: August 15th, 2024

Askari wanyamapori wa Pori la Akiba Liparamba kwa kushirikiana na Kikosi Cha Askari wa jeshi la wananchi (JWTZ)(NEVI) tarehe 14/08/2024  wamefanikiwa kumuua Kiboko aliyekuwa kero za wananchi katika kata ya chiwanda na Mtipwili wilayani Nyasa.

kwa mujibu wa Taarifa iliyotolewa na Afisa Mtendaji Kata ya Chiwanda Bw.Charles Chikuni amesema  Askari hao wamefanikiwa kumuua Mnyama kiboko aliyekuwa anaharibu mazao ya wananchi na kujeruhi mifugo kwenye maeneo mbalimbali ya kata ya chiwanda na Mtipwili.

Aidha baada ya kumuua Nyama imegawiwa kwa wananchi waliofika eneo la tukio leo tar 15/08/2024 na nyara zote za serikali zikiwemo Nyayo, mkia, kichwa ,na sehemu ya Nyama ya Mnyama huyo zimechukuliwa na askari wa (TAWA) kwa ajili ya taratibu zingine, na kwa upande wa Nyama nao wameenda kutumia kama kitoweo na kugawa kwenye mamlaka zinazowahusu zoezi limefanyika licha ya vurugu zilizotokea za wananchi kugombania Nyama hiyo.

Tunaipongeza Serikali kwa kutatua kero ya Mnyama huyu kwa kuwa Mkuu wa Wilaya ya Nyasa mh.Peres Magiri wakati akifanya mikutano aliahidi kutatua kero hii, na Sasa wananchi wanaendelea na majukumu yao ya Ujenzi wa Taifa.