Serikali yatatua kero ya umeme Nyasa, yapeleka Umeme Vijiji 81, yabakiza 3

Posted on: April 17th, 2024

Serikali imetatua kero ya umeme katika vijiji 81 kati ya vijiji 84 katika Wilaya ya Nyasa na kubakiza vijiji 3 ambavyo Mkandarasi yuko kazini anaendelea na kazi ya kupelaka Umeme katika vijiji vilivyosalia

Mkuu wa Wilaya ya Nyasa mh. Peres Magiri ameyasema hayo tarehe 17/04/2024 wakati akiongea na Wananchi wa Kijiji cha Ndengere Kata ya Mbamba bay Wilayani Nyasa.

Mh Magiri amefafanua kuwa Serikali imetatua changamoto ya umeme katika Vijiji 81 katika  wilaya ya Nyasa na Vijiji 3 Mkandarasi yuko kazini anaendelea na kazi.

Amewataka wananchi kuwa wavumilivu kwa kuwa nia ya Serikali ilikuwa ni kufikisha umeme katika ngazi ya kijiji na awamu itakayofuata ni kufikisha umeme katika kila Kitongoji.

“Serikali yetu ni Sikivi kama imeweza kupeleka umeme katika Vijiji 81 katika Wilaya ya Nyasa haitashindwa kufikisha umeme katika Vitongoji,Hivyo wananchi tunatakiwa kuwa wavumilivu wakati Serikali inajipanga kufikisha umeme kila Kitongoji”