TALGWU Ruvuma yawafariji Wagojwa kituo cha Afya Mbamba bay

Posted on: March 8th, 2023

Chama cha wafanyakazi Serikali za mitaa (TALGWU) kupitia idara ya ushauri wanawake wafanyakazi  Mkoa wa Ruvuma ( kamati KE) Tarehe 08/032023 wametembelea Kituo cha Afya Mbamba bay na kufanya matendo ya Huruma kwa kugawa Vifaa mbalimbali, kwenye wodi ya wazazi na watoto wanaoishi katika Mazingira hatarishi.

Mwenyekiti kamati ya ushauri wanawake wafanyakazi Mkoa wa Ruvuma Bi Anna Mputa, akiwa na wanachama wengine wamekabidhi vifaa hivyo kwa Mganga Mkuu wa Kituo cha Afya Mbamba bay Wilayani Nyasa.

Akizungumza wakati anakabidhi, amesema Chama hicho katika Kusheherekea Sikukuu ya Wanawake Duniani wanatambua, Mchango mkubwa wa akina mama katika kuendeleza Taifa la Tanzania ndipo, wakachukua hatua ya kukabidhi Vifaa hivyo ikiwa ni matendo ya Huruma ya kuthamini mchango wa wanawake katika jamii.

Ameitaja mchango aliokabidhi ni Sabuni ya unga, sabuni ya kufulia,Juice na mafuta ya kupaka katika wodi ya wazazi na watoto wanaoishi katika Mazingira Hatarishi.

Mganga Mfawidhi wa Kituo cha Afya Mbamba bay Dkt Happiness Cheche, amepokea na kukishukuru  Chama cha (TALGWU) kwa kuja kuwaona akina mama hao na kutoa zawadi mbalimbali amewataka wadau wengine kuiga mfano huu kwa kuja kuwatembelea wagojwa mbalimbali kwani wanafarijika.