UJENZI wa Daraja la Mitomoni kuanza June 2024

Posted on: April 17th, 2024

Serikali ipo katika hatua  za mwisho za maandalizi ya kuanza ujenzi wa daraja la Mitomoni  katika Mto Ruvuma linalounganisha Wilaya ya Songea na Nyasa mkoani Ruvuma.

Waziri wa Ujenzi Mheshimiwa Innocent Bashungwa akizungumza bungeni Dodoma amesema Wizara hiyo ipo mbioni kuanza kujenga daraja la kisasa na la kudumu  katika eneo hilo linalounganisha vijiji vya Mitomoni  wilayani Songea na Kijiji cha Mipotopoto wilayani Nyasa.

“Maandalizi ya nyaraka kwa ajili ya kutangaza zabuni kwa mara ya pili kwa ajili ya ujenzi wa daraja la Mitomoni yamefikia hatua za mwisho na zabuni zitatangazwa mwezi Juni mwaka huu’’,alisema Bashungwa.

Waziri Bashungwa amesisitiza kuwa serikali ya Rais Samia ipo na wananchi wa Wilaya ya Nyasa na Songea na kwamba kufikia Juni mwaka huu ujenzi wa daraja hilo unatarajia kuanza.