WAFUGAJI WA NG’OMBE WA MAZIWA WILAYANI NYASA WAPATA MSUKUMO MPYA.

Posted on: August 13th, 2018

Wafugaji wa ng’ombe ambao pia ni wazalishaji wadogo wa maziwa wamepatiwa elimu itakayowasaidia kuongeza uzalishaji wa maziwa kutoka litalita nne( 4- 7)kwa sasa mpaka lita ishirini na tano(25) kwa siku baada ya mafunzo ili kujiongezea kipato na uchumi wilayani Nyasa.

Elimu hiyo imetolewa na Afisa mifugo na maendeleo ya uvuvi  Wilayani hapa, Bw. Bernard Semwaiko kwa wafugaji wa kikundi cha Mwongozo ambacho kinajishughulisha na ufugaji wa  ng’ombe wa maziwa kilichopo kijiji cha Ndesule Kata ya Mbambabay .

Semwaiko amefafanua kuwa kwa sasa Wilayani hapa kuna fursa nyingi ambazo ukizitumia mkazi wa Nyasa utakuza uchumi wako kwa Mfano: Akataja sekta ya ufugaji ng’ombe na uzalishaji wa maziwa.  kuwa maziwa yanahitajika sana kwa wakati huu hususani Inapotengenezwa barabara ya Mbinga- Mbambabay kwa kuwa wafanyakazi wanahitaji kunywa maziwa kila siku na upanuzi wa bandari  unapokaribia pia mahitaji ya maziwa yapo kwa kiasi kikubwa.

Aliongeza kuwa serikali ya Awamu ya Tano imejipanga kuingiza kiasi kisichopungua Bilioni 152, hivyo watumie fursa hizo kuongeza uzalishaji wa maziwa na kufuga Ng’ombe kisasa ili kuongeza kipato cha mfugaji mmoja mmoja pia akabainisha kuwa kwa sasa mbambabay  inafunguka kiuchumi kwa kuwa na mlango wa kwenda Nchi jirani ya Msumbiji na Malawi hasa bandari inapoanza kufanya kazi.

Pia alibainisha kuwa wanakikundi hao walipewa Rai ya kuimarisha kikundi chao ambacho kitatumiwa kuwa shamba darasa kwa ajili ya kuwapa Elimu ya ufugaji bora na kuwaunganisha na soko la maziwa wanayozalisha na kuwaunganisha na Tasisi za kifedha  ili kuongeza mitaji.

Wanakikundi hao walifarijika na Elimu hiyo na kuahidi kuitumia vema kwa kuzalisha maziwa mengi zaidi baada ya kuhakikishiwa soko la maziwa hayo lipo,

 Naye Mmkurugenzi mtendaji wa wilaya ya Nyasa  Dkt. Oscar Mbyuzi kwa gharama zake amewekeza kwenye sekta ya mifugo kwa kuingiza ng’ombe Bora wenye mimba kutoka Mkoa wa Iringa ambao wanazalisha maziwa yakutosha lita 25 kwasiku moja kwa sasa anakamilisha  Ujenzi wa mazizi bora na eneo analofugia ataliweka wazikama kituo cha kujifunzia wafugaji ndani na nje ya Wilaya.