WANANCHI wampongeza Rais DKT Samia kutatua Changamoto Nyasa

Posted on: April 18th, 2024

Wananchi wa Kijiji cha Kilosa Kata ya Kilosa, Wilayani Nyasa, wamemshukuru na kumpongeza Rais Dkt Samia Suluhu Hassan kwa kuwajengea Shule mpya ya Msingi  Nyasa, ambayo imetatua changamoto ya wanafunzi waliokuwa wanasoma Shule ya Kilosa Wilayani hapa.

Pongezi hizi zimetolewa na Afisa Mtendaji wa Kijiji cha kilosa Bi.Christina Luoga  wakati akisoma Taarifa fupi ya Kijiji hicho, kwa Mkuu wa Wilaya ya Nyasa mh. Peres Magiri ambaye amefanya ziara katika Kijiji hicho kwa lengo la Kujitambulisha,kusikiliza na kutatua kero za wananchi katika Kata ya Kilosa tarehe 18/04/2024.

Wananchi hao wamefafanua kuwa wanampongeza na kumshukuru Mh. Rais Samia kwa kutoa Tsh million 331.6 na kutatua changamoto ya Msongamano wa wanafunzi, katika shule ya Msingi Kilosa  kwa kuwajengea shule mpya shule ambayo imetatua changamoto na kuwa kivutio cha wanafunzi ambao wameongeza ari ya kusoma.

Aidha wamemuomba Mkuu wa Wilaya ya Nyasa Mh. Magiri kuwafikishia shukrani kwa Mh. Rais kwa kufanya juhudi kubwa za kutatua changamoto mbalimbali zinazowakabili wananchi wa Wilaya ya Nyasa.