WATUMISHI,WAFANYABIASHARA, WAFURAHIA MEI MOSI KUFANYIKA WILAYANI NYASA.

Posted on: May 2nd, 2021

YALIYOJIRI MAADHIMISHO SIKU YA WAFANYAKAZI MKOA WA RUVUMA, YALIYOFANYIKA WILAYANI NYASA.

Maadhimisho yalianza kwa maandamano ya amani, yaliyoanzia uwanja wa Polisi mjini mbamba bay na kupita stand ya mbamba bay hadi viwanja vya fisheries .

Mwakilishi wa Mkuu wa Mkoa wa Ruvuma Mh. Isabela Chilumba, ndiye aliyepokea maandamano ya wafanyakazi na wadau wa maendeleo Mkoani Ruvuma.

Risala ya wafanyakazi Mkoa wa Ruvuma ilisomwa na Katibu wa TUGHE Mkoa wa Ruvuma Ismail Mudathir, amesema katika sekta ya umma na binafsi mishahara haikidhi mahitaji ukilinganisha na kupanda kwa gharama za maisha.

Amezitaja baadhi ya changamoto hizo kuwa ni kutolipwa madeni ya uhamisho wa watumishi,baadhi ya watumishi kutopandishwa madaraja kwa wakati na baadhi ya waajiri kutolipa nauli za watumishi na mizigo yao wanapostaafu

Aidha wameiomba Serikali kupandisha mishahara kwa wafanyakazi.

Mgeni rasmi katika maadhimisho hayo Mwakilishi wa Mkuu wa Mkoa wa Ruvuma ambaye pia ni Mkuu wa Wilaya ya Nyasa Isabela Chilumba ametoa rai kwa watumishi kuwa na subira kwa sababu serikali ya Awamu ya sita imedhamiria kuboresha maslahi ya watumishi.

Hata hivyo amewaagiza waajiri kuhakikisha wanawalipa mafao na haki zao zote watumishi wanaostaafu na kuwaagiza waajiri kwenye Halmashauri na Taasisi zote za serikali kuacha kuchelewesha fedha za malipo ya likizo kwa watumishi wanaokwenda likizo

Watumishi wengi wamefurahishwa maadhimisho kufanyika Nyasa, kwa kuwa wameona baadhi ya vivutio vya Utalii kwa macho kama ziwa nyasa, Mlima Mbamba na Fukwe nzuri za Ziwa Nyasa na Milima ya Living stone na walikuwa wakionekana kuogelea, kupiga picha, na kupanda kwenye boti na kuzunguka Ziwani huku wakitalii.

Wafanyabiashara wameitumia vizuri fursa ya kuuza biodhaa zao huku wakisema tunnatamani maadhimisho haya yafanyike kila uwezekano unapotokea.

Aidha burudani za ngoma za asili, kioda,kupiga kasia,kuogelea, kuvuta kamba kufukuza kuku na kwaya ni baadhi burudani zilizopendezesha maadhimisho hayo ya Mei mosi 2021 Wilayani hapa

Sherehe zimefana Na wananyasa wamefurahi.Asanteni wote waliofanikisha maadhimisho hayo.