WILAYA YA NYASA KUANZISHA USHIRIKA WA MTANDAO JAMII.

Posted on: September 4th, 2020

jana  katika Ukumbi wa Ofisi ya Mkuu wa Wilaya ya Nyasa kimefanyika kikao cha uanzishwaji wa Ushirika wa Mtandao jamii Nyasa, ambao una lengo la kutoa Huduma nafuu ya enternet kwa wakazi wa Wilayani hapa, kikao ambacho kieahudhuriwa na wadau wa mawasiliano Wilaya ya Nyasa.

Akifungua kikao hicho, Mkuu wa Wilaya ya Nyasa Bi Isabela Chilumba amewataka wadau wa maendeleo Wilayani hapa, kujiunga katika Ushirika wa Mtandao jamii Nyasa, kwa kuwa una lengo la kutoa huduma ya mawasiliano ya Internet kwa gharama nafuu, katika Wilaya yetu ya Nyasa, ili wananchi wapate maendeleo ya haraka.

Amefafanua kuwa Wilaya ya Nyasa ni miongoni mwa Wilaya ambazo zina uhitaji mkubwa wa kupatiwa huduma ya mtandao wa internet kwa kuwa ni wilaya ambayo iko pembezoni,mpakani mwa nchi ya Tanzania,Malawi na Msumbiji, hivyo makampuni mengi yanatoa huduma hizo,  yanatoa kwa mijini peke yake ikiwa, wananchi wa nyasa tukiunda ushirika jamii, tutapata huduma hiyo kwa gharama nafuu ukilinganisha na tunavyolipia kwa sasa.

Aliongeza kuwa ikiwa tukianzisha shule zote, zitaunganishiwa internet hivyo kutawaongezea wanafunzi kujifunza katika maktaba kwa njia ya mtandao na kupata huduma mbalimbali za kimasomo.

“Ndugu zangu wananyasa tunawashukuru sana wawezeshaji wetu ambao wametupa elimu hii ya kuanzisha Ushirika huu wa Mtandao jamii Nyasa ambao una lengo la kutoa huduma ya Internet kwa bei nafuu ikiwa awali, wanafunzi wetu walikuwa wakipata shida ya intenet lakini tukiwa na mtandao huu utasaidia hata wanafunzi kujifunza , kwa kuwa makampuni mengi hayataki kuwekeza Vijijini kwa kuwa kuna wananchi wachache hali inayosababisha wananchi wetu kukosa mawasiliano. ”

Naye Mwenyekiti wa kamati ya kuanzisha Ushirika jamiii wa Internet, Wilaya ya Nyasa Bw. Patric Kosima,  alisema amelazimika kuwahamasisha, wakazi wa Wilaya ya Nyasa ili kujiletea Maendeleo hasa ukizingatia huduma hiyo ni ya muhimu kwa wananchi wa Wilaya ya Nyasa.

Kaimu Mkurugenzi Mtendaji Wilaya ya Nyasa Bw Bernad Semwaiko, amesema atahakikisha anasimamia makubaliano ya uanzishwaji wa Ushirika, na kutoa Wito kwa wakazi wa Wilaya ya Nyasa kujiunga na ushirika kwa lengo la kuboresha mawasiliano ya Intekatika Wilaya  ya Nyasa.