WILAYA ya Nyasa yaadhimisha siku ya Wazee Duniani

Posted on: October 1st, 2022

Halmashauri ya Wilaya ya Nyasa tar 01.10.2022 imeadhimisha Siku ya Wazee iliyofanyika katika Ukumbi wa Mikutano wa Hospitali ya Wilaya ya Nyasa iliyopo Kijiji cha Nangombo Wilayani hapa.

Mgeni Rasmi katika Maadhimisho hayo ni Kaimu Katibu Tawala Wilaya ya Nyasa Bw. Paul Lugongo,Akizungumza na Wazee Wa Wilaya ya Nyasa katika maadhimisho hayo amewapongeza kwa kuadhimisha siku yao, na kuwaambia kuwa Serikali inawathamini na inatambua mchango wao katika maendeleo ya Nchi.

Ameongeza kuwa  Serikali inaendelea kuboresha Huduma mbalimbali ikiwemo ya  Afya kwa wazee kwa kutoa kadi maalum zinazowawezesha kupata matibabu bure,kutoka Vituo vya Afya zahanati na Hospitali ya Wilaya.

Aidha amemuagiza Mkurugenzi Mtendaji wa Halmashauri ya Nyasa kuhakikisha kuwa,Ifikapo tar,25 Octoba mwaka huu kuunda Baraza la Wazee la Wilaya,kutoa vitambulisho kwa Wazee wote ili watibiwe bure na kuhakikisha wanaweka utaratibu mzuri wa matibabu kwa wazee wote, Wilayani Nyasa.

Awali, Risala ya wazee imetaja changamoto wanazokutana nazo ni baadhi ya wazee kutokuwa na Vitambulisho, kutokuuwa na mabaraza ya wazee na wazee kutofanyika vikao mara kwa mara.

Aidha wameomba kuwe na nafasi maalum Bungeni ya Wazee ambao watakuwa wanatetea Haki za Wazee.

Shughuli mbalimbali zimefanyika katika maadhimisho hayo ikiwemo upimaji wa magonjwa mbalimbali Kwa wazee,kutoa elimu ya ukatili na jinsi ya kuepuka na kupambana na magonjwa Mbalimbali.