Yaliyojiri Baraza la madiwani Wilaya ya Nyasa tarehe 16.05.2023

Posted on: May 16th, 2023

Yaliyojiri, Kikao Cha Baraza la madiwani Wilaya ya Nyasa kujadili taarifa za robo ya tatu(January -machi) tarehe 16/05/2023.

Halmashauri ya Wilaya ya Nyasa imefanya kikao Cha Baraza la madiwani ambacho kimejadili taarifa za robo ya tatu January -machi.

Kikao hiki kimefanyika katika Ukumbi wa jengo jipya la Utawala, Ofisi ya Mkurugenzi Mtendaji wilaya ya Nyasa na kuongozwa na mwenyekiti wa Halmashauri ya Wilaya ya Nyasa mh. Stewart Nombo.

Akifungua kikao ameipongeza Serikali ya JAMHURI ya muungano wa Tanzania ikiongozwa na Rais SAMIA SULUHU HASSAN Kwa kuipa miradi mbalimbali Wilaya ya Nyasa,hasa Ujenzi wa Ofisi ya Mkurugenzi Mtendaji wilaya ya Nyasa.

Ameipongeza Rais Kwa kuhakikisha Halmashauri ya Wilaya ya Nyasa kuhamia Ofisi mpya na kusema kuwa Kuna mabadiliko makubwa ya kimaendeleo Wilayani Nyasa.

Akitoa Salamu za Serikali Wilayani Nyasa Mkuu wa Wilaya ya Nyasa Mh.Filberto Sanga ameipongeza Mkurugenzi Mtendaji wilaya ya Nyasa Ndugu Jimson Mhagama Kwa kusimamia ujenzi wa  jengo la Utawala Ofisi ya Mkurugenzi Mtendaji wilaya ya Nyasa mpaka kukamilika kwake.

Pia amewataka wananchi na viongozi kuendelelea kutekeleza miradi ya Maendeleo Wilayani Nyasa.

Amewapongeza wananchi na viongozi wa Wilaya ya Nyasa Kwa kushiriki mapokezi ya mbio za Mwenge wa UHURU 2023 na kupita salama.

Amewataka wananchi na viongozi kuhakikisha kuwa Ulinzi na usalama unaendelea kuimarika licha ya kuwa mpakani Kwa kuhakikisha hakuna raia wa nchi za nje atakayeingia katika nchi yetu.

Amewataka wananchi kuepuka ukatili wa kijinsia Kwa kuwalea watoto na kuzingatia maadili.

Mwisho amewataka viongozi wa vijiji na vitongoji kuzingatia maadili ili kuepukanana na migogoro na wananchi wanaotaka baadhi ya viongozi kujiudhuru kutokana na ukiukwaji wa maadili.

Amewataka wananchi kufuata taratibu ,kanuni ,na Sheria za kuwatoa madarakani viongozi wa vijiji na vitongoji.

Aidha amesema Wilaya ya Nyasa Iko salama.