YALIYOJIRI Ziara ya Mwenyekiti wa Uwt Taifa Wilayani Nyasa

Posted on: July 28th, 2023

Mwenyekiti wa Umoja wa wanawake Taifa (UWT) wa chama Cha Mapinduzi ( CCM) Mery Chatanda akiwa ameambatana na viongozi mbalimbali, Tarehe 28/07/2023 amefanya Ziara ya kikazi Wilayani Nyasa.

Akiwa Wilayani Nyasa Amekagua miradi ya Maendeleo ya Ujenzi wa Madarasa na mradi wa nyumba ya Mwalimu ikiwa ni mradi wa boost katika Shule ya msingi Lumeme na amekagua mradi wa Ujenzi wa jengo la dharula na kukabidhi Vitanda 30 na magodoro 30 na jenereta 1 katika Hospitali ya Wilaya ya Nyasa.

Aidha, amefanya mikutano miwili ya Hadhara katika Kata ya Lumeme na Mbamba bay.

Akiongea katika Mikutano ya Hadhara amesema ameridhishwa na Miradi inayotekelezwa na Serikali Wilayani nyasa na amempongeza Rais SAMIA Suluhu Hassan Kwa kuleta fedha za Maendeleo katika Wilaya ya Nyasa.

Amewata wananchi kushiriki katika USimamizi wa miradi,na kuhakikisha wanafunzi wanasoma Kwa bidii ili wafikie malengo ya Serikali ya kuboresha elimu, na kuwaagiza wazazi walezi kuhakikisha wanafuatilia Maendeleo ya watoto wao mashuleni.

Pia amewataka wazazi walezi kupinga ukatili wa watoto na kijinsia Kwa kutoa elimu na taarifa pale vinapotokea katika jamii.

Amesema Serikali inaendelea kutatua changamoto mbalimbali zinazowakabili wananchi.

Mwisho ametoa wito Kwa wananchi kuendelelea kukipenda Chama Cha Mapinduzi (CCM) Kwa kuwa ni Chama pekee Tawala kinacholeta Maendeleo katika Nchi ya Tanzania.

Akizungumza katika mkutano huo Mbunge wa Jimbo la Nyasa mhandisi Stella Manyanya amesema Wilaya ya Nyasa imekuwa ikipata fedha ya kutekeleza miradi mbalimbali ya Maendeleo mikubwa na midogo hivyo anampongeza MH Dkt Rais SAMIA Suluhu Hassan Kwa miradi ya Maendeleo,aidha ameomba mradi wa maji katika kata ya Lumeme, Luhangarasi,Mpepo na Mipotopoto.

Naibu Waziri wa wizara ya Maji Maryprisca Mahundi akizungumza katika mkutano huo amesema Serikali inaendelea kutatua changamoto ya maji safi na salama Wilayani Nyasa Kwa kutekeleza miradi mbalimbali ya Maendeleo,hata hivyo amesema atatatua changamoto hiyo,na Kwa kuanzia ameahidi milioni 110 kutoka Mfuko wa maji ili kutatua changamoto ya maji katika kata ya Lumeme Wilayani Nyasa.